لاہور: پولیس مقابلہ، خاتون سمیت 5 ڈاکو ہلاک، ایس ایچ او، کانسٹیبل زخمی

11-09-2024

(لاہور نیوز) لاہور میں مبینہ پولیس مقابلے میں خاتون سمیت 5 ڈاکو مارے گئے۔

پولیس ذرائع کے مطابق رات گئے پولیس نے ایک گھر پر چھاپہ مارا، ملزموں سے فائرنگ کا تبادلہ ہوگیا، فائرنگ کے تبادلے میں خاتون سمیت پانچوں ڈاکو موقع پر مارے گئے۔ پولیس ذرائع نے مزید بتایا کہ فائرنگ کے تبادلے میں ایس ایچ او اور کانسٹیبل بھی زخمی ہوا، ملزم سنگین وارداتوں میں ملوث تھے، ہلاک ہونے والے ملزموں کی لاشوں کو ہسپتال منتقل کر دیا گیا۔