کینیڈین حکومت نے پاکستانی موٹیویشنل اسپیکر قاسم علی شاہ کو عالمی اعزاز سے نوازدیا

11-08-2024

(لاہور نیوز) کینیڈا کی حکومت کی جانب سے پاکستان کے مشہورموٹیویشنل اسپیکر قاسم علی شاہ کو کنگ چارلس پِن ایوارڈ سے نوازدیا گیا ۔

رپورٹ کےمطابق قاسم علی شاہ مختلف تقریبات میں شرکت کے لیے کینیڈا کے دورے پر  ہیں ،تاہم اسی دوران ٹورنٹو میں  ان کے اعزاز میں ایک تقریب منعقد کی گئی جس میں پاکستانی نژاد کینیڈین رکنِ پارلیمنٹ شفقت علی نے قاسم علی شاہ کو اعزازی پِن اور سرکاری سرٹیفکیٹ پیش کیا۔ تقریب میں قونصل جنرل آف پاکستان خلیل باجوہ بھی موجود تھے۔رکنِ پارلیمنٹ شفقت علی اور قونصل جنرل خلیل باجوہ نے قاسم علی شاہ کو کینیڈین اعزازملنے  پر مبارک باد پیش کرتے ہوئے کہا کہ لوگوں کے رویوں میں مثبت تبدیلی خیر کا کام ہے۔واضح رہے کہ تقریب  کےشرکا سے احمر فاروقی، فرحان ابصار، بدر منیر چوہدری اور ارسلان سید  نےبھی اظہار خیال کیا۔