مہنگا سونا مزید مہنگا، قیمت 2 لاکھ 78 ہزار روپے سے متجاوز

11-08-2024

(لاہور نیوز) ملک میں سونے کی فی تولہ قیمت میں 2 ہزار روپے کا اضافہ ہو گیا۔

آل پاکستان جیمز اینڈ جیولرز ایسوسی ایشن کے مطابق سونے کی فی تولہ قیمت 2 لاکھ 78 ہزار 800 روپے ہو گئی ہے۔ 10 گرام سونے کی قیمت میں 1715 روپے کا اضافہ ہوا ہے جس کے بعد قیمت 2 لاکھ 39 ہزار 26 روپے ہو گئی ہے۔ ایسوسی ایشن کے مطابق عالمی بازار میں سونے کا بھاؤ 21 ڈالرز اضافے کے بعد 2 ہزار 683 ڈالرز فی اونس ہو گیا ہے۔