اداکارہ ممتاز بیگم 'بدو بدی' گانے کا مذاق اڑانے پر چاہت فتح علی خان پر برہم

11-07-2024

(ویب ڈیسک)ماضی کی مقبول اداکارہ ممتاز بیگم نے اپنے مشہور گانے ’بدو بدی‘ کا مذاق اڑانے پر گلوکار چاہت فتح علی خان کے رویے پر برہم ہوگئیں۔

تفصیلات کےمطابق اداکارہ ممتازبیگم  نے یوٹیوب چینل پر ایک انٹرویو میں اس حوالے سے بات کی اور کہا کہ ’بدو بدی‘ ان کے کیریئر کا یادگار گانا ہے اور اس کے بارے میں مذاق انہیں پسند نہیں آیا۔اداکارہ نے بتایا کہ 1973 میں ریلیز ہونے والی فلم بنارسی ٹھگ میں شامل گانا ’اکھ لڑی بدو بدی‘ نورجہاں کی آواز میں تھا، جس کی مقبولیت کی بدولت فلم کامیاب ہوئی اور طویل عرصے تک سینماؤں میں چلی۔ انہوں نے کہا کہ چاہت فتح علی خان نے جون 2024 میں یوٹیوب پر اس گانے کا نیا ورژن گایا تھا جو مذاق پر مبنی تھا اور دیکھتے ہی دیکھتے وائرل ہوگیا۔یاد رہے کہ چاہت فتح علی خان کا یہ گانا وائرل ہونے کے بعد کاپی رائٹس کی خلاف ورزی کے باعث یوٹیوب سے ڈیلیٹ کردیا گیا تھا۔