ٹیپا انفورسمنٹ ونگ کی کارروائیاں، تین درجن املاک سیل

11-07-2024

(لاہور نیوز) پارکنگ قوانین کی خلاف ورزی پر ٹیپا انفورسمنٹ ونگ نے کارروائیاں کرتے ہوئے تین درجن املاک سیل کر دیں۔

ڈی جی ایل ڈی اے طاہر فاروق کی ہدایت پر پارکنگ قوانین کی خلاف ورزی پر ٹیپا انفورسمنٹ ونگ نے کارروائیاں کیں، ٹیپا انفورسمنٹ ونگ نے شادمان ون اور گلبرگ ٹو کے مختلف بلاکس میں کارروائی کرکے املاک سیل کر دیں۔ ٹیموں نے آپریشن کے دوران متعدد املاک سے غیرقانونی سائن بورڈز بھی ہٹا دیئے، ان املاک میں معروف سٹورز، نجی بینک، کلینک، لیب، بروسٹ شاپ، ہوٹل، ہسپتال، بوتیک، فرنیچر شاپ، کارگو، رینٹ اے کار اور دیگر شامل ہیں۔ چیف انجینئر ٹیپا اقرار حسین کی نگرانی میں آپریشن ڈائریکٹر انفورسمنٹ ٹیپا ون فرقان ظہیر  نے کیا، ڈی جی ایل ڈی اے طاہر فاروق کی ہدایت پر پارکنگ کی جگہ پر تجاوزات بنانے والوں کے خلاف بلاامتیاز کارروائیاں جاری ہیں۔