سموگ کے باعث سکول بند، آن لائن کلاسز کا آغاز نہ ہو سکا

11-07-2024

(لاہور نیوز) سموگ کے باعث سکول تو بند کر دیئے گئے مگر آن لائن کلاسز کا آغاز نہ ہو سکا۔

محکمہ سکول ایجوکیشن نے چھٹیاں تو دے دیں، سکولوں میں آن لائن کلاسز کا آغاز نہ ہوا، شہر  کے کسی سکول میں طلبہ کو آن لائن کلاسز کا بتایا ہی نہیں گیا، سموگ کی وجہ سے چھٹی دیئے تین دن ہو گئے مگر آن لائن کلاسز کے حوالے سے پیش رفت نہ ہوئی۔ سکولوں میں آن لائن کلاسز کیلئے سہولیات اور انفراسٹرکچر ہی موجود نہیں، آن لائن کلاسز کیلئے انٹرنیٹ بھی نہیں کیونکہ انٹرنیٹ کی سہولت زیادہ تر پرنسپل کے روم میں ہے۔ اساتذہ کا کہنا ہے کہ  محکمہ سکول ایجوکیشن نے چھٹیوں کا اعلان تو کر دیا مگر سہولیات نہیں دیں، بڑی کلاسز والے بچوں کا زیادہ حرج ہو رہا ہے۔