یوٹیلٹی سٹورز پر چینی کی قیمتوں میں کمی

11-07-2024

(ویب ڈیسک) یوٹیلٹی سٹورز کارپوریشن نے چینی کی قیمت میں 13 روپے کمی کردی۔

یوٹیلٹی سٹورز کارپوریشن کی چینی کی قیمت میں 13 روپے فی کلو کمی کا اطلاق فوری طور پر کر دیا جائے گا۔ نئے نرخ کے مطابق یوٹیلٹی اسٹورز پر چینی کی قیمت 140 روپے فی کلو مقرر کی گئی ہے ۔ یاد رہے کہ اس سے قبل چینی کی قیمت 153 روپے فی کلو تھی۔ ذرائع کے مطابق یوٹیلٹی سٹورز نے شوگر ملز سے خریدی گئی چینی کی قیمت کم کرنے کی درخواست کی تھی جس پر شوگر ملز مالکان نے بیچی گئی چینی پر 17 روپے فی کلو کمی کی، جس کے نتیجے میں یوٹیلٹی سٹورز نے چینی کی قیمت میں کمی کی۔ یاد رہے کہ کارپوریشن نے 12 ہزار میٹرک ٹن چینی خریدی تھی اور یہ چینی 137 روپے فی کلو کے حساب سے خریدی گئی تھی۔ اخراجات ملا کر کارپوریشن کو چینی تقریباً 152 روپے فی کلو کی قیمت میں پڑی تھی۔