سردی شروع ہونے سے قبل ہی شہر کے مختلف علاقوں میں گیس نایاب

11-07-2024

(لاہور نیوز) سردی شروع ہونے سے قبل ہی شہر کے مختلف علاقوں میں گیس نایاب ہو گئی۔

سوئی ناردرن حکام کی جانب سے آفیشلی تو گیس شیڈول جاری نہیں کیا گیا مگر شہر میں لوڈشیڈنگ کا سلسلہ شروع کر دیا گیا، شہر میں صبح 6 سے 8، دوپہر 12 سے 2 اور شام 6 سے 10 کے علاوہ گیس دستیاب نہیں، گنجان آباد اور ٹیل کے علاقوں میں شہری ان اوقات میں بھی گیس سے محروم ہیں۔  اہل علاقہ کا کہنا ہے جن اوقات میں گیس فراہمی یقینی بنانے کا دعویٰ کیا گیا تھا ان اوقات میں بھی پریشر انتہائی کم ہوتا ہے، ایل پی جی استعمال کرنے پر مجبور ہیں، متعدد بار شکایات کر چکے مگر گیس کی بلاتعطل فراہمی یقینی نہیں بنائی جا سکی۔