ڈی جی پی آر میں مختلف یونیورسٹیوں کے طلبہ نے اِنٹرن شپ کورس مکمل کر لئے

11-06-2024

(لاہور نیوز) ڈی جی پی آر میں مختلف یونیورسٹیوں کے 180 طلبہ نے اِنٹرن شپ کورس مکمل کر لئے۔

ڈی جی پی آر میں انٹرن شپ کورس مکمل کرنے والے طلبہ کے اعزاز میں تقریب ہوئی، تقریب میں ڈی جی پی آر صغیر شاہد، ڈائریکٹر ای ایم سہیل رانا، ڈپٹی ڈائریکٹر حفصہ جاوید اور ڈیجیٹل میڈیا ونگ سے ردا ملک بھی موجود تھیں۔ وزیراطلاعات پنجاب عظمیٰ بخاری نے طلبہ میں سرٹیفکیٹ تقسیم کئے، انٹرن شپ کورس مکمل کرنے والے طلبہ کا تعلق مختلف تعلیمی اداروں سے تھا۔ صوبائی وزیراطلاعات عظمیٰ بخاری نے کہا کہ180 طلبہ نے الیکٹرانک، سوشل اور پرنٹ میڈیا میں نمایاں کام کیا ہے، میرے ادارے کے دروازے تمام یونیورسٹیوں کے طلبہ کے لئے کھلے ہیں۔ وزیراطلاعات پنجاب نے قرار دیا کہ جدید دور کے تقاضوں کے عین مطابق طلبہ کو میڈیا اور ڈیجیٹل میڈیا سے متعلق آگاہی فراہم کرنا وقت کی اہم ضرورت ہے۔