وزیر اعلی پنجاب کا بصارت سے محروم حافظ محمد علی کیلئے نئی گاڑی کا تحفہ

11-04-2024

(لاہور نیوز) وزیر اعلیٰ پنجاب مریم نواز کی جانب سے بصارت سے محروم حافظ محمد علی کو قیمتی تحفہ دیا گیا۔

مریم نواز نے حافظ محمد علی کی خواہش کا احترام کرتے ہوئے تحفے میں نئی گاڑی دے دی۔ وزیر اعلیٰ پنجاب مریم نواز  نے بصارت سے محروم حافظ محمد علی کو گاڑی کی چابی دی اور خود دروازہ کھول کر انہیں سیٹ پر بٹھایا۔ حافظ محمد علی نے گاڑی ملنے پر خوشی کا اظہار کیا اور وزیر اعلیٰ پنجاب کا شکریہ ادا کیا۔ خیال رہے کہ حافظ محمد علی نے چند ہفتے قبل وزیراعلیٰ مریم نوازشریف سے ملاقات میں گاڑی کی خواہش کا اظہار کیا تھا۔