شملہ پہاڑی کے اطراف گرین لاک ڈاؤن، چنگ چی رکشہ کے داخلے پر پابندی

11-04-2024

(لاہور نیوز) سموگ میں کمی کے لئے شملہ پہاڑی کے اطراف گرین لاک ڈاؤن پر عملدرآمد جاری ہے۔

ایبٹ روڈ، ڈیوس روڈ، ایمپرس روڈ، کشمیر روڈ اور ڈیورنڈ روڈ پر گرین لاک ڈاؤن لگایا گیا ہے، ان شاہراہوں پر موٹرسائیکل چنگ چی رکشہ کے داخلے پر پابندی لگائی گئی ہے۔ شاہراہوں پر بیریئر لگا کر ٹریفک وارڈنز خصوصی ڈیوٹی پر موجود ہیں، کھلی جگہ پر بغیر چھڑکاؤ جھاڑو لگانے پر پابندی ہے، باربی کیو شاپس بھی رات آٹھ بجے بند کر دی جائیں گی۔ شملہ پہاڑی نادرا آفس کے باہر بڑی پارکنگ بھی ختم کر دی گئی، ایک ماہ کے لئے نادرا پارکنگ متبادل کھلی جگہ منتقل کر دی گئی۔