پولیس کا نرگس کے شوہرانسپکٹر ماجد بشیر کی گرفتاری کیلئے چھاپہ

11-02-2024

(لاہور نیوز) اداکارہ نرگس پر تشدد کا معاملہ، ویزاعلیٰ پنجاب مریم نواز شریف کے نوٹس نے پولیس کو بھی متحرک کردیا۔

پولیس نے نرگس کے شوہر اور پولیس انسپکٹر ماجد بشیر کی گرفتاری کیلئے نذیر گارڈن میں چھاپہ مارا، ماجد بشیر اور اس کا بھائی بھی منظر عام سے غائب ہوگیا۔ ماجد بشیر کی گرفتاری کیلئے پولیس کی ٹیمیں تشکیل دی گئی ہیں ۔ پولیس نے اداکارہ نرگس کا میڈیکل بھی کروا لیا ہے ۔ میڈیکل رپورٹ آنے کے بعد نرگس کی جانب سے ایف آئی آر درج کروائی گئی، ایف آئی آر میں مزید دفعات شامل کی جائیں گی۔ انسپکٹر ماجد بشیر کچھ عرصہ پہلے آرگنائزڈ کرائم یونٹ اقبال ٹاؤن میں تعینات تھا۔ ماجد بشیر کو ایک انکوائری کے بعد سی آئی اے اقبال ٹاؤن سے ہٹادیا گیا تھا۔ نرگس نے خاوند کے خلاف تھانہ ڈیفنس سی میں مقدمہ درج کروایا ہے۔