کراچی اور لاہور میں ہوٹل بنانے کا پلان، چیئرمین پی سی بی کی مشاورت شروع

10-31-2024

(لاہور نیوز) کراچی اور لاہور میں ہوٹل بنانے کے پلان پر پاکستان کرکٹ بورڈ کے چیئرمین محسن نقوی نے مشاورت شروع کر دی۔

 ذرائع کے مطابق چیمپئنز ٹرافی کے بعد ہوٹل پراجیکٹ پر کام شروع ہو گا، نیشنل سٹیڈیم کراچی کے متصل زمین ہوٹل کے لئے مختص ہے، ہوٹل بنانے سے انٹرنیشنل ٹیموں کی سکیورٹی کا بڑا مسئلہ حل ہو جائے گا۔ ذرائع نے بتایا کہ ٹیمیں ہوٹل سے لمحہ بھر میں سٹیڈیم پہنچ سکیں گی، ہوٹل سے سٹیڈیم کے درمیان ایک انڈرپاس بھی پلان کا حصہ ہے۔ سابق چیئرمین رمیز راجہ زمین پر ہوٹل بنانے کے لئے کراچی کے تاجروں سے بات بھی کر چکے تھے۔