سموگ: لاہور کے تعلیمی اداروں میں ہفتہ وار 3 چھٹیوں پرغور

10-31-2024

(ویب ڈیسک) لاہور میں سموگ کے باعث تعلیمی اداروں میں 3 روز جمعہ، ہفتہ، اتوار چھٹیاں دینے اور اوقات کار میں تبدیلی پرغور کیا جا رہا ہے۔

ادارہ تحفظ ماحولیات کے مطابق فیصلہ نومبر کے پہلے ہفتے میں ہونے والے سموگ اجلاس میں جائزہ لینے کے بعد ہوگا۔ آئی کیو ایئر کے مطابق لاہور میں اوسط ایئر کوالٹی کی شرح 208 ریکارڈ کی گئی ہے، یوایس قونصلیٹ 322 ، جیل روڈ پر 246 ، یو ایم ٹی 277 ، ٹاؤن ہال 209 ، شملہ پہاڑی 170 اور پنجاب یونیورسٹی 199 ریکارڈ کی گئی۔  فضائی آلودگی میں لاہور دنیا بھر میں دوسرے جبکہ ملک میں پہلے نمبر پر آگیا۔