لاہورکے تاجر کا پاکستان ہاکی کےپلیئرحنان شاہد کو شاندار پرفارمنس پر10 لاکھ انعام

10-30-2024

(ویب ڈیسک)لاہورکے تاجر نے پاکستان ہاکی کےنوجوان فارورڈ حنان شاہد کو بہترین پرفارمنس پر 10 لاکھ روپے کا چیک پیش کردیا۔

تفصیلات کےمطابق حنان شاہد کو انعامی چیک ایشین ہاکی چیمپئنز ٹرافی میں شاندار کارکردگی پر پیش کیا گیا۔لاہور کے تاجر طاہر سعید بٹ نے حنان شاہد کے اعزاز میں ایک تقریب کا اہتمام کیا جس میں نوجوان کھلاڑی کی عزت افزائی کی گئی۔ حنان شاہد کا کہنا ہے کہ پرائیوٹ سطح پرقومی کھلاڑیوں کی اس طرح کی حوصلہ افزائی بہت ضروری ہے۔ انعام ملنے سے بہت حوصلہ ملتا ہے اور اعتماد میں بھی اضافہ ہوتاہے۔ کوشش ہوگی کہ آئندہ ایونٹس میں مزید بہتر کھیل پیش کرکے پاکستان کی کامیابیوں میں کرادار ادا کروں۔ تاجر طاہرسعید بٹ کا کہنا تھا کہ  ہاکی نے پاکستان کو دنیا بھر میں پہچان دلائی، ہمیں ماضی کے کھلاڑیوں پر فخر ہے اور اب حنان شاہد جیسے نوجوانوں سے بہت امید ہے کہ وہ پاکستان ہاکی کو نئی بلندیوں پر لے جائیں گے۔ حنان شاہد نے ایشین ہاکی چیمپئنز ٹرافی اور اس سے پہلے کھیلے گئے ایونٹس میں زبردست پرفارمنس پیش کی ہے۔  ان کو کھیلتے دیکھ کر بہت خوشی ہوتی ہے۔