کرکٹر فخر زمان نے سایہ گروپ کو خیر باد کہہ دیا

10-30-2024

(ویب ڈیسک) قومی ٹیم کے اوپنر فخر زمان نے باضابطہ طور پر اپنے پلیئر ایجنٹ سے علیحدگی اختیار کرلی۔

رپورٹ کےمطابق سماجی رابطے کی سائٹ ایکس (ٹوئٹر) پر ٹوئٹ کرتے ہوئے فخر زمان کے بڑے بھائی گوہر نے تصدیق کی کہ فخر زمان آج سے سایا کارپوریشن کا حصہ نہیں ہوں گے۔فخر زمان کے بڑے بھائی کی ٹوئٹ تیزی سے سوشل میڈیا پر وائرل ہورہی ہے۔ اوپنر کی جانب سے یہ اقدام ایسے وقت میں سامنے آیا ہے جب انہیں پاکستان کرکٹ بورڈ (پی سی بی) نے سینٹرل کنٹریکٹ نہیں دیا جبکہ دورہ آسٹریلیا میں انجری کا بہانہ بناکر انہیں سلیکٹ نہیں کیا گیا۔واضح رہے کہ فخر زمان کے بڑے بھائی کی جانب سے ٹوئٹ کچھ گھنٹے بعد ہی ڈیلیٹ کردیا گیا تھا۔