پرانی انارکلی: نجی ہوٹل میں غیراخلاقی حرکات میں ملوث خواتین سمیت 10افراد گرفتار

10-30-2024

(ویب ڈیسک) پرانی انارکلی کے نجی ہوٹل میں غیر اخلاقی حرکات میں ملوث خواتین سمیت 10 ملزمان کو گرفتار کرلیا گیا۔

ایس پی سول لائنز ڈاکٹر عبدالحنان کی ہدایت پر ایس ایچ او تھانہ پرانی انارکلی نے پولیس ٹیم کے ہمراہ خفیہ اطلاع پر کارروائی کی۔ ایس پی سول لائنز کے مطابق ملزمان کے خلاف تھانہ پرانی انارکلی میں مقدمات درج کر لیے گئے۔ ڈاکٹر عبدالحنان نے ایس ایچ او تھانہ پرانی انارکلی رضا ذاکر اور پولیس ٹیم کو شاباش دی۔ ڈاکٹرعبدالحنان کا کہنا تھا کہ زنا کاری نوجوان نسل کی بربادی کا سبب بنتی ہے، معاشرے میں سماج دشمن عناصر کو فروغ دینے والے کیفرِ کردار تک پہنچائے جائیں گے۔