لاہور سفاری زو میں سفید شیرنی نے ننھے بچے کو جنم دے دیا
10-30-2024
(لاہور نیوز) لاہور سفاری زو میں شیروں کی بریڈنگ کا عمل کامیاب ہو گیا، سفید شیرنی نے ننھے بچے کو جنم دے دیا۔
بچہ سفاری زو میں اٹھکیلیاں کرنے میں مصروف ہے، شیروں کی ٹوٹل تعداد اکیس سے بڑھ کر بائیس ہو گئی، شیروں میں چار نر ، گیارہ مادی اور سات بچے شامل ہیں۔ ویٹرنری ڈاکٹر رضوان کا کہنا ہے مادی ایک سے لے کر چھ بچے دے سکتی ہے، بڑی عمر کے شیر کو آٹھ سے دس کلو گوشت کھلایا جاتا ہے، بچے کو دو سے تین کلو روزانہ کی بنیاد پر گوشت کھلایا جاتا ہے۔ ان کا مزید کہنا تھا کہ نئے بچے کی ابھی انتظامیہ کی جانب سے نگہداشت کی جا رہی ہے۔