پنجاب یونیورسٹی: فائن آرٹس کے طلبہ کے مقالہ جات کا ڈسپلے، دیکھنے والے دلدادہ

10-30-2024

(سامعہ سعید اعوان) پنجاب یونیورسٹی میں فائن آرٹس کے طلبا و طالبات کے مقالہ جات کے ڈسپلے کا انعقاد کیا گیا جس میں ہر تصویر نئی کہانی کی عکاسی کرتی ہوئی دکھائی دی۔

طلبا و طالبات نے نہایت عمدہ انداز میں اپنے تخیلات کو پینٹ کیا، پینٹنگ میں آرٹ کی مختلف ٹیکنیکس کا استعمال بھی کیا گیا، 45 طلبہ نے اپنے تھیسس ڈسپلے کیے، ایک سے بڑھ کر ایک پورٹریٹ کا ڈسپلے دیکھنے والوں کو اپنے سحر میں مبتلا کرتا نظر آیا۔ طلبا و طالبات نے نہایت خوبصورتی اور خوب محنت سے 6 ماہ سے زائد دورانیے میں اپنا کام مکمل کیا جس پر ان کا کہنا تھا کہ بہت محنت سے مقالے تیار کئے گئے ہیں۔ تھیسس ایگزیبیشن میں ڈی جی پاپولیشن ویلفیئر ثمن رائے نے خصوصی شرکت کی اور بچوں کی کاوشوں کو خوب سراہا۔ اس موقع پر ڈی جی پاپولیشن ویلفیئر ثمن رائے نے گفتگو کرتے ہوئے کہا کہ دیکھ کر بہت خوشی ہوئی کہ پاکستانی طلبا بہت ہونہار ہیں، ڈیپارٹمنٹ ہیڈ ڈاکٹر سمیرا کا کہنا تھا کہ طلبا نے تمام تر انٹرنیشنل سٹینڈرڈز کو مدنظر رکھ کر کام کیا جو قابل دید ہے۔ ایگزیبیشن کو دیکھنے کے لئے طلباوطالبات کی بڑی تعداد نے شرکت کی، انہوں نے تصاویریں لیں اور آرٹسٹس کو خوب سراہا اور ساتھی طلبہ کو داد دیئے بغیر نہ رہ سکے۔