اے این ایف کی کارروائیاں ، 21 کلو سے زائد منشیات برآمد، 4 ملزمان گرفتار

10-29-2024

(لاہور نیوز) اینٹی نارکوٹکس فورس(اے این ایف ) نے مختلف کارروائیوں کے دوران 21.675 کلو گرام منشیات برآمد کر لی جبکہ 4 ملزمان گرفتار کر لئے گئے۔

ترجمان اے این ایف کے مطابق یہ کارروائیاں راولپنڈی، پشاور، اسلام آباد اور حیدرآباد میں کی گئیں ، کارروائی کے دوران 19 کلو 300 گرام چرس اور 5 گرام ویڈ برآمد کر لی گئی۔ ترجمان نے بتایا کہ کارروائی میں 2 کلو 370 گرام آئس برآمد کی گئی جبکہ گرفتار ملزم نے تعلیمی اداروں کے طلباء کو منشیات فروخت کرنے کا بھی اعتراف کیا ہے۔ ترجمان اے این ایف کے مطابق گرفتار ملزمان کے خلاف انسداد منشیات ایکٹ کے تحت مقدمات درج کر لئے گئے۔