پنجاب یونیورسٹی: طلبہ اور گارڈز میں لڑائی کے معاملہ پر چار رکنی کمیٹی تشکیل

10-23-2024

(لاہور نیوز) پنجاب یونیورسٹی میں طلبہ اور گارڈز کے درمیان لڑائی کے معاملہ پر محکمہ ہائر ایجوکیشن پنجاب نے 4 رکنی کمیٹی تشکیل دے دی۔

محکمہ ہائر ایجوکیشن کے مطابق سرگودھا یونیورسٹی کے وائس چانسلر ڈاکٹر قیصر عباس کمیٹی کی سربراہی کریں گے، چار رکنی کمیٹی 48 گھنٹوں میں رپورٹ پیش کرے گی۔ کمیٹی کو یہ بھی ہدایت کی گئی ہے کہ رپورٹ میں سی سی ٹی وی فوٹیج لے کر اکیڈمک سطح کے عوامل کو شامل کیا جائے ۔