لاہور ہائیکورٹ نے عمران کیخلاف غداری سے متعلق درخواست نمٹا دی

10-21-2024

(لاہور نیوز) لاہور ہائی کورٹ نے بانی پاکستان تحریک انصاف ( پی ٹی آئی) کے خلاف غداری سے متعلق درخواست نمٹا دی۔

عمران خان کے خلاف غداری کی کارروائی کے لئے دائر درخواست کی لاہور ہائی کورٹ میں سماعت ہوئی، درخواست گزار کے وکیل اے کے ڈوگر کے انتقال کے باعث ان کے بیٹے  نے عدالت سے درخواست  واپس لینے کی استدعا کی، عدالت نے درخواست واپس لینے کی بنیاد پر نمٹا دی۔ درخواست گزار کا موقف تھا کہ عمران خان ن لیگی حکومت کے خلاف احتجاج اور دھرنے دے کر عدم استحکام پیدا کر رہے ہیں، عدالت سے ا ستدعا ہے کہ بانی پی ٹی آئی کے خلاف آرٹیکل 6 کے تحت کارروائی کا حکم دیا جائے۔