سپریم کورٹ کے باہر احتجاج: سلمان اکرم کی عبوری ضمانت میں توسیع

10-19-2024

(لاہور نیوز) سپریم کورٹ کے باہر احتجاج کرنے کے کیس میں سلمان اکرم راجہ کی عبوری ضمانت میں توسیع کر دی گئی۔

انسداد دہشت گردی عدالت اسلام آباد میں پی ٹی آئی وکلاء کے خلاف سپریم کورٹ کے باہر احتجاج کرنے پر درج مقدمہ کی سماعت ہوئی، ایڈمنسٹریٹو جج راجہ جواد عباس نے کیس پر کی، سلمان اکرم راجہ اپنے وکلاء نیاز اللہ نیازی، سردار مصروف و دیگر کے ہمراہ عدالت پیش ہوئے۔ ایڈمنسٹریٹو جج نے انسداد دہشت گردی عدالت کے جج ابو الحسنات ذوالقرنین کے رخصت پر ہونے کے باعث پی ٹی آئی کے سیکرٹری جنرل سلمان اکرم راجہ کی عبوری ضمانت میں 28 اکتوبر تک توسیع کرتے ہوئے کیس کی سماعت ملتوی کر دی۔