اےاین ایف کی کارروائیاں ، بھاری مقدار میں منشیات برآمد، 4 ملزمان گرفتار

10-15-2024

(لاہور نیوز) اینٹی نارکوٹکس فورس (اےاین ایف) نے چار مختلف کارروائیوں میں259.117 کلوگرام منشیات برآمد کرلی جبکہ 4 ملزمان گرفتار کرلیے گئے۔

ترجمان اے این ایف کے مطابق کارروائیاں کراچی ،گوادر اور  لاہور میں کی گئیں، کارروائی کے دوران 253 کلو200گرام چرس، 4 کلو افیون برآمد کی گئی، کارروائی میں 502 گرام ہیروئن، 165 گرام آئس بھی برآمدکرلی گئی ۔ ترجمان کاکہنا ہے کہ کارروائی کے دوران1.250 کلو نشہ آور گولیاں بھی برآمد کی گئی ہیں، گرفتار ملزم نے تعلیمی اداروں کے طلباء کو منشیات فروخت کرنے کابھی اعتراف کیا ہے۔ ترجمان اے این ایف کے مطابق گرفتار ملزمان کےخلاف انسداد منشیات ایکٹ کے تحت مقدمات درج کر لیے گئے ہیں۔