پیکا ایکٹ :خصوصی عدالت کا توہین عدالت کے ملزم کو سزائے موت اور قید کا حکم

10-12-2024

(لاہور نیوز) پیکا ایکٹ کے تحت قائم خصوصی عدالت کا توہین مذہب کے الزام میں بڑا فیصلہ سامنے آیا ہے، الزام ثابت ہونے پر ملزم کو عمر قید اور سزائے موت کا حکم دے دیا۔

گوجر خان کے شہری قیصر سجاد کو سزائے موت کا حکم پیکا قانون کے سیکشن 11 کے تحت سنایا گیا، ملزم کو سات برس قید کا بھی حکم دیا، ملزم کو مختلف دفعات کے تحت الزام ثابت ہونے پر 7 لاکھ روپے جرمانہ بھی ادا کرنا ہو گا۔ پیکا ایکٹ کے تحت قائم عدالت کے جج محمد افضل مجوکا نے فیصلہ سنایا، عدالت نے اڈیالہ جیل سپرنٹنڈنٹ کو مجرم کو قید کرنے کا حکم دیا۔ مجرم قیصر سجاد کے خلاف ایف آئی اے نے مقدمہ درج کر رکھا تھا۔