پنجاب میں ڈینگی کے وار تھم نہ سکے، مزید 143 کیسز رپورٹ

10-09-2024

(لاہور نیوز) صوبہ پنجاب میں ڈینگی کی وبا سنگین ہو گئی ، گزشتہ چوبیس گھنٹوں میں صوبہ میں ڈینگی کے 143 کیسز رپورٹ ہوئے ہیں۔

ترجمان محکمہ صحت کے مطابق صوبے میں گزشتہ چوبیس گھنٹوں میں راولپنڈی سے 131 جبکہ لاہور سے 2 ، اٹک سے 4 جبکہ گوجرانوالہ سے 3 مریضوں میں ڈینگی وائرس کی تصدیق ہوئی۔ ترجمان محکمہ صحت کا کہنا ہے کہ فیصل آباد، سیالکوٹ اور ساہیوال سے ایک ایک ڈینگی کا کیس رپورٹ ہوا ، اسی طرح گوجرانوالہ، میانوالی، جہلم، ملتان، رحیم یار خان، منڈی بہاؤ الدین، بہاولنگر، بھکر، وہاڑی اور راجن پور سے 1-1 کیس رپورٹ ہوا ہے۔ ترجمان محکمہ صحت کے مطابق صوبے میں ڈینگی کے ایک ہفتہ میں 902 جبکہ رواں سال اب تک 2867 ڈینگی کیسز رپورٹ ہوئے۔