پی ٹی آئی کے 1590 کارکنان کی گرفتاری کا حکم جاری

10-04-2024

(لاہور نیوز) حکومت کی جانب سے پاکستان تحریک انصاف کے 1590 کارکنوں کی گرفتاری کے احکامات جاری کر دیئے گئے ہیں۔

ذرائع کے مطابق پولیس نے 5 اکتوبر کے احتجاج کے حوالے سے جن پی ٹی آئی کارکنوں کو گرفتار کیا ہے انہیں شرپسند عناصر ڈیکلیئر کر دیا گیا ہے، خیال رہے لاہور میں بھی پاکستان تحریک انصاف (پی ٹی آئی) نے 5 اکتوبر کو احتجاج کا اعلان کر رکھا ہے۔ انتظامیہ نے کسی بھی ممکنہ خطرے کے پیش نظر مینار پاکستان گراؤنڈ کے اطراف کنٹینرز پہنچا دیئے ہیں جبکہ پولیس کی بھاری نفری بھی تعینات کر دی گئی ہے، دوسری جانب پنجاب کے 4 شہروں میں دفعہ 144 نافذ کرکے رینجرز طلب کرلی، ادھر لاہور میں 6 روز کے لیے دفعہ 144 نافذ کرنے کا اقدام لاہور ہائیکورٹ میں چیلنج کردیا گیا۔ پی ٹی آئی کے 5 اکتوبر کو مینار پاکستان گراؤنڈ پر احتجاج کے معاملے پر مینار پاکستان کے اطراف میں ابھی سے ہی کینٹیڑز پہنچانے شروع کر دیئے گئے ہیں تاہم پولیس کی بھاری نفری بھی مختلف جگہوں پر تعینات کر دی گئی ہے۔