وقت کے ساتھ انسان اور چیزیں تبدیل ہو جاتی ہیں: حاجرہ یامین

10-04-2024

(ویب ڈیسک) اداکارہ حاجرہ یامین نے جیون ساتھی کی خوبیوں سے متعلق کھل کر بتا دیا ۔

حال ہی میں اداکارہ نے ایک پوڈکاسٹ میں بطور مہمان شرکت کی، جہاں انہوں نے اپنے کیریئر کے ساتھ ساتھ نجی زندگی اور مختلف امور کے حوالے سے اپنے خیالات کا اظہار کھل کر کیا ہے۔ ایک سوال کا جواب دیتے ہوئے انہوں نے اپنی شادی اور اس سے منسلک منصوبہ بندی سے آگاہ کیا۔انہوں نے بتایا کہ فی الحال شادی سے متعلق نہیں سوچ رہی، شادی بعد کی بات ہے، پہلے کوئی ایسا انسان ملے جس کے ساتھ زندگی گزاری جا سکے۔ اداکارہ نے کہا کہ وقت کے ساتھ انسان اور چیزیں تبدیل ہو جاتی ہیں، اس لیے اب جب کسی مرد سے ملتی ہوں تو ذہن میں پہلا سوال یہی آتا ہے کہ کیا یہ شخص میرے بچوں کے لیے صحیح رہے گا یا نہیں؟