پنجاب میں ڈینگی کے وار جاری، مزید 82 کیسز رپورٹ

09-25-2024

(لاہور نیوز) پنجاب میں ڈینگی کے وار تھم نہ سکے ، گزشتہ چوبیس گھنٹوں کے دوران ڈینگی کے 82 نئے مریض سامنے آ گئے۔

محکمہ پرائمری اینڈ سیکنڈری ہیلتھ کیئر  نے پنجاب بھر میں ڈینگی کے اعدادو شمار جاری کر دیئے۔ ترجمان محکمہ صحت کے مطابق گزشتہ چوبیس گھنٹوں میں راولپنڈی سے 69، لاہور سے 04 ڈینگی کے کیس رپورٹ ہوئے۔ ترجمان نے بتایا کہ چکوال سے 2 نئے مریض سامنے آئے جبکہ گوجرانوالہ، فیصل آباد، بہاولپور، میانوالی، منڈی بہاؤالدین، ساہیوال اور سرگودھا سے ڈینگی کا ایک ، ایک کیس رپورٹ ہوا۔ ترجمان محکمہ صحت کے مطابق صوبے میں ڈینگی کے ایک ہفتہ میں 459 کیسز جبکہ رواں سال اب تک 1245 ڈینگی کے کیسز رپورٹ ہوئے ہیں۔