گورنر پنجاب نے 6 خواتین یونیورسٹیوں کی وائس چانسلرز کی تعیناتی کی سمری واپس کر دی

09-24-2024

(لاہور نیوز) گورنر پنجاب نے 6خواتین یونیورسٹیوں کی وائس چانسلرز کی تعیناتی کی سمری واپس کر دی۔

گورنر ہاؤس ذرائع کے مطابق گورنر پنجاب نے اعتراض لگا کر سمریز ایوان وزیر اعلیٰ بھجوا دیں، ایوان وزیر اعلی دوبارہ نظر ثانی کے بعد سمریاں گورنر ہاؤس ارسال کرے گا، وزیر اعلیٰ قانونی طور پر ایک نام تجویز کرکے نہیں بھیج سکتا۔ ذرائع نے مزید بتایا کہ گورنر ہاؤس کی جانب سے 13سمریز پراعتراض لگایا گیا تھا ، گورنر ہاؤس کو بات چیت کا کہہ کر 7 یونیورسٹیوں کے آرڈر کئے گئے، 12 یونیورسٹیوں کی سمریز ایوان وزیر اعلی میں موجود ہیں۔ دوسری جانب گورنر ہاؤس ذرائع نے مزید کہا ہے کہ قانونی تقاضے پورے کئے بغیر گورنر سمریز پر دستخط نہیں کریں گے۔