مشتاق احمد کی بیٹی کی شادی، کرکٹرز، فلمی ستاروں کی شرکت

09-23-2024

(ویب ڈیسک) لاہور میں سابق کرکٹر مشتاق احمد کی صاحبزادی کی شادی کی تقریب ہوئی جس میں کرکٹرز، فلمی ستارے اور مختلف شعبوں سے تعلق رکھنے والے افراد نے شرکت کی۔

مشتاق احمد کی بیٹی حبیبہ کی شادی کی تقریب میں شرکت کیلئے قومی کرکٹرز بابر اعظم، شان مسعود اور عثمان قادر فیصل آباد سے لاہور  آئے جبکہ چیمپئنز ون ڈے کپ میں شریک کھلاڑی تقریب میں شرکت کے بعد فیصل آباد واپس چلے گئے۔ چیمپئنز ون ڈے کپ میں پینتھرز کے مینٹور ثقلین مشتاق بھی تقریب میں شرکت کے لئے فیصل آباد سے لاہور آئے، سابق چیئرمین پی سی بی رمیز راجہ، سابق کپتان انضمام الحق، محمد حفیظ اور اظہر علی بھی شادی کی تقریب میں شریک ہوئے۔ تقریب میں مشتاق احمد کے قریبی عزیز و اقارب کی بھی بڑی تعداد شریک ہوئی۔