ملک کو کوئی نقصان ہوا تو پھر سب لکیر پیٹیں گے: چوہدری شجاعت

09-20-2024

(ویب ڈیسک) مسلم لیگ( ق) کے سربراہ چوہدری شجاعت حسین نے کہا ہے کہ اگر ملک کو کوئی نقصان ہوا تو پھر سب لکیر ہی پیٹیں گے۔

انہوں نے یہ بات مسلم لیگ ( ق) سندھ کے وفد سے ملاقات کے دوران کہی۔ چوہدری شجاعت حسین کا کہنا تھا کہ حکومت اور سیاست دان اپنے مفادات پر ملکی مفاد کو ترجیح دیں، اِدھر اْدھر کی بات نہ کریں ورنہ یہ بتا کہ قافلہ کیسے لٹا والا معاملہ ہوجائے گا۔ انہوں نے کہا کہ اس وقت حکومت و اپوزیشن اور پوری قوم کو یکجہتی کی شدید ضرورت ہے، تمام اداروں بشمول حکومت اور اپوزیشن کو ایک ہی پیج پر آنا ہوگا۔