چیمپئنز ون ڈے کپ کےدوران شاداب خان بخار میں مبتلا

09-19-2024

(ویب ڈیسک) چیمپئنز ون ڈے کپ میں شریک پینتھرز کے کپتان شاداب خان بخار میں مبتلا ہو گئے۔

تفصیلات کے مطابق شاداب خان  کو طبی معائنے اور ٹیسٹ کے لیے جڑانوالہ روڈ پر نجی ہسپتال بھی لے جایا گیا۔واضح رہے کہ ابھی دو دن قبل میچ کے دوران شاداب خان اور شاہین آفریدی کی ایک ویڈیو سوشل میڈیا پر وائرل ہو گئی تھی جس میں دیکھا گیا تھا کہ شاداب خان شاہین آفریدی کو ڈاٹ بال کروانے کے بعد غصے میں کچھ کہہ رہے ہیں جس پر شاہین آفریدی نے کوئی رد عمل نہیں دیا تھا بلکہ وہ خاموشی سے شاداب خان کو دیکھتے رہے پھر نیچے  کی جانب دیکھ کر نفی میں سر ہلانے لگے تھے۔