سابق پولیس افسر کا قاتل سوتیلا بھائی بیرون ملک فرار ہوتے گرفتار

09-17-2024

(ویب ڈیسک) لاہور میں پولیس کے سابق سب انسپکٹر شاہد اصغر کو قتل کرنے والا ملزم بیرون ملک فرار کی کوشش میں ایئر پورٹ سے پکڑا گیا۔

پولیس کے مطابق گرفتار ملزم محمد علی مقتول کا سوتیلا بھائی ہے جو بیرون ملک فرار ہوتے ہوئے پکڑا گیا۔ پولیس کا کہنا ہے کہ ملزم کو جدید ٹیکنالوجی اور ہیومین انٹیلی جنس کی مدد سے گرفتار کیا گیا ہے، ملزم نے رواں ماہ کے آغاز پر جائیداد کے تنازع پر سوتیلے بھائی سابق سب انسپکٹر شاہد اصغر کو فائرنگ کرکے قتل کردیا تھا۔  اعلیٰ حکام کی جانب سے ملزم کو گرفتارکرنے والی پولیس ٹیم کے لیے نقد انعام اور تعریفی اسناد کا اعلان کیا گیا ہے۔