وزیر اعظم شہباز شریف 21 ستمبر کو بیرون ملک روانہ ہوں گے

09-16-2024

(لاہور نیوز) وزیر اعظم شہباز شریف 21 ستمبر کو بیرون ملک روانہ ہوں گے، وزیر اعظم بیرون ملک دورہ کے پہلے حصے میں لندن جائیں گے۔

ذرائع کے مطابق وزیر اعظم 2 روزہ دورہ لندن مکمل کر کے 23 ستمبر کو نیویارک پہنچیں گے، وزیر اعظم نیویارک میں اقوام متحدہ کی جنرل اسمبلی کے سیشن میں حصہ لیں گے اور خطاب بھی کریں گے۔ وزیر اعظم کی اقوام متحدہ کے اجلاس کے سائڈ لائنز پر متعدد ملاقاتیں بھی ہوں گی، وزیراعظم کا اقوام متحدہ کی جنرل اسمبلی سے خطاب 26 ستمبر کو ہو گا۔ شہباز شریف اپنا دورہ امریکا اور لندن مکمل کر کے 28 ستمبر کو علی الصبح وطن واپس پہنچیں گے۔