قانون بنانا پارلیمنٹ کا کام ، نمبرز پورے ہونگے تو بل پاس ہو گا: چیئرمین سینیٹ

09-14-2024

(لاہور نیوز) چیئرمین سینیٹ یوسف رضا گیلانی کا کہنا ہے کہ قانون بنانا پارلیمنٹ کا کام ہے ، نمبرز پورے ہونگے تو ہی بل پاس ہو گا۔

اسلام آباد میں میڈیا سے گفتگو کرتے ہوئے سابق وزیراعظم اور چیئرمین سینیٹ یوسف رضا گیلانی نے کہا کہ یہ بل پاس ہو رہا ہے، یہ کوئی نئی بات نہیں ہے، بل میں ریفارمز کی بات ہے جب سامنے آئے گا تو حمایت یا مخالفت کا فیصلہ کرینگے۔ انہوں نے کہا  کہ جب میں وزیراعظم تھا تو اعلان کیا کہ اس ملک کو ایک پارٹی نہیں چلا سکتی، ملکی ترقی کے لئے ملکر کام کرنا بہت ضروری ہے۔ ان کا کہنا تھا کہ مولانا فضل الرحمان کا میں بہت احترام کرتا ہوں، جنہوں نے ہم پر کیس بنایا آج ان کو ووٹ دینے جا رہے ہیں، میں گورنر راج کے حق میں نہیں ہوں ، حالات کے مطابق گورنر راج کا فیصلہ کیا جاتا ہے۔