پوسٹ انڈکشن ٹریننگ کورس کے زیر تربیت افسران کا پنجاب سیف سیٹیز اتھارٹی کا دورہ

09-12-2024

(لاہور نیوز) پوسٹ انڈکشن ٹریننگ کورس کے زیر تربیت افسران نے پنجاب سیف سیٹیز اتھارٹی کا دورہ کیا۔

وفد کو آپریشن کمانڈر ایس پی شفیق احمد نے ادارے کی ورکنگ بارے بریفنگ دی، زیر تربیت افسران کو ورچوئل سینٹر فار چائلڈ سیفٹی اور ویمن پولیس سٹیشن سمیت مختلف شعبہ جات کا دورہ کروایا گیا۔ وفد نے 15 ایمرجنسی ہیلپ لائن سینٹر کے جدید فیچرز اور آپریشنز اینڈ مانیٹرنگ سینٹر کی ورکنگ کے عمل کا جائزہ لیا، زیر تربیت افسران کو آرٹیفیشل انٹیلی جنس ٹریفک مینجمنٹ سسٹم کی ورکنگ بارے بھی بتایا گیا۔ اس موقع پر گفتگو کرتے ہوئے آپریشن کمانڈر ایس پی شفیق احمد کا کہنا تھا کہ خواتین کے تحفظ کو یقینی بنانے کیلئے قائم ورچوئل ویمن پولیس سٹیشن کار آمد ثابت ہو رہا ہے، پنجاب بھر میں سمارٹ سیف سٹی پراجیکٹس لگائے جا رہے ہیں۔ وفد کے شرکاء نے کہا جدید انفراسٹرکچر کے باعث لاہور دنیا کے بڑے شہروں کا مقابلہ کر رہا ہے، سیف سٹی رول ماڈل کا کردار ادا کر رہی ہے، استفادہ کرینگے۔