رواں سال کا دوسرا چاند گرہن 18 ستمبر کو ہو گا، کہاں کہاں نظر آئے گا؟

09-09-2024

(لاہور نیوز) رواں سال کا دوسرا چاند گرہن 18 ستمبر کو ہو گا لیکن اسکا کا نظارہ پاکستان میں نہیں دیکھا جا سکے گا۔

جزوی چاند گرہن امریکا، یورپ کے بیشتر ممالک، آسٹریلیا، افریقا، شمالی اور مشرقی ایشیا میں نظر آئے گا۔ چاند گرہن کا آغاز صبح 7 بج کر 12 منٹ پر ہوگا، چاند گرہن 7 بج کر 44 منٹ پرعروج پر پہنچے گا جو 8 بج کر 15 منٹ تک جاری رہے گا، چاند گرہن کا اختتام 9 بج کر 47 منٹ پر ہو گا۔ واضح رہے کہ چاند گرہن اس وقت ہوتا ہے جب زمین چاند اور سورج کے درمیان آ جاتی ہے، جس سے چاند پر سورج کی روشنی نہیں پڑتی اور چاند نظر نہیں آتا۔ چاند گرہن کبھی جزوی اور کبھی مکمل ہوتا ہے، چاند گرہن کا جزوی یا مکمل ہونا اس کی گردش پر منحصر ہے۔ ناسا کے مطابق چاند گرہن کے دوران چاند زمین کے سائے میں آ جاتا ہے لیکن اس کے باوجود بھی کچھ روشنی چاند پر پہنچتی رہتی ہے۔