پیرالمپکس: حیدر علی نے ڈسکس تھرو میں برونز میڈل جیت لیا

09-06-2024

(لاہورنیوز) قومی اتھلیٹ حیدر علی نے پیراولمپکس 2024 کے ڈسکس تھرو ایونٹ میں برونز میڈل جیت لیا۔

پیرس میں جاری پیراولمپک گیمز میں ڈسکس تھرو کے ایف 37 کیٹیگری کا فائنل کھیلا گیا ، پاکستان کے حیدر علی نے شاندار آغاز کرتے ہوئے 52.28 میٹر کی تھرو کی، اُن کی دوسری تھرو فاؤل قرار دی گئی، پیراولمپک گیمز میں پاکستان کے حیدر علی ڈسکس تھرو میں برانز میڈل جیتنے میں کامیاب رہے۔ تاہم وہ ابتدائی 2 راؤنڈ تک پہلی پوزیشن پر رہے ، اُس کے بعد اُن کی مسلسل 3 تھرو فاؤل قرار دی گئیں، اس دوران اُزبکستان اور کینیڈا کے ایتھلیٹ اُن سے بہتر تھرو کرنے کی وجہ سے پہلی اور دوسری پوزیشن پر آگئے۔ حیدر علی نے اپنی آخری تھرو میں کچھ بہتر کارکردگی دکھائی جس میں وہ 52.54 میٹر کی تھرو کرنے میں کامیاب رہے لیکن وہ اُزبک اور کینیڈین ایتھلیٹس سے بہتر تھرو نہ کرسکے اور تیسرے نمبر پر رہے۔یہ حیدر علی کا پیراولمپکس میں چوتھا میڈل ہے، انہوں نے اس سے قبل ٹوکیو پیراولمپکس میں گولڈ میڈل حاصل کیا تھا۔