نائب وزیر اعظم اسحاق ڈار لندن پہنچ گئے، برطانوی سیکرٹری خارجہ سے ملاقات

09-04-2024

(لاہور نیوز) نائب وزیر اعظم اور وزیر خارجہ محمد اسحاق ڈار برطانیہ کے سرکاری دورہ پر لندن پہنچ گئے۔

غیر ملکی میڈیا رپورٹس کے مطابق ہیتھروائیرپورٹ پر برطانوی حکام  نے ڈپٹی وزیر اعظم کا استقبال کیا، اس موقع پر برطانیہ میں پاکستان کے ہائی کمشنر ڈاکٹر محمد فیصل بھی موجود تھے۔ اپنے دورے کے دوران اسحاق ڈار  نے برطانوی سیکرٹری خارجہ ڈیوڈ لیمی سے لندن میں ملاقات کی، ملاقات میں دونوں رہنماؤں نے دو طرفہ تعلقات اور علاقائی امور پر تبادلہ خیال کیا۔ ملاقات کے دوران نائب وزیر اعظم  نے پاکستان اور برطانیہ کے مابین دو طرفہ قریبی تعلقات کو مزید مستحکم اور بہتر شراکت داری کے لیے پاکستان کے عزم کا اعادہ کیا۔ یاد رہے نائب وزیر اعظم اسحاق ڈار اپنے برطانیہ کے دورے کے دوران برطانوی ہم منصب، وزیر خارجہ اور سیکرٹری جنرل دولت مشترکہ پیٹریشیا سکاٹ لینڈ سے ملاقاتیں کریں گے علاوہ ازیں نائب وزیراعظم برطانوی اراکین پارلیمنٹ اور برٹش پاکستانیوں سے بھی ملیں گے۔