تجارتی خسارہ 11 ماہ کی کم ترین سطح پر آگیا

09-03-2024

( لاہور نیوز) ملک کا تجارتی خسارہ 11 ماہ کی کم ترین سطح پر آگیا ہے۔

          ادارہ شماریات سے جاری کردہ رپورٹ کے مطابق رواں ماہ ملک میں معیشیت کا پہیہ چلتے ہوئے سال 2024 میں سب سے کم تجارتی خسارے کا سامنا ہوا، اگست 2024 میں تجارتی خسارہ 20.5 فیصد کمی سے 1 ارب 68 کروڑ ڈالر رہ گیا۔ رپورٹ میں کہا گیا ہے کہ یہی تجارتی خسارہ اگست 2023 میں 2 ارب 11 کروڑ ڈالر تھا، اگست 23 کے مقابلے اگست 24 میں برآمدات 15.9فیصد اضافے سے 2 ارب 74 کروڑ ڈالر رہی، اگست 23 کے مقابلے اگست 24 میں درآمدات 1.3 فیصد کمی سے 4.41 ارب ڈالر رہی۔ ادارہ شماریات کی رپورٹ میں بتایا گیا کہ اگست کے مہینے میں برآمدات میں اضافہ جبکہ درآمدات میں کمی تجارتی خسارے میں کمی کی وجہ بنی جبکہ  رواں مالی سال 2 ماہ میں برآمدات 14 فیصد اضافے سے 5.05 ارب ڈالر  درآمدات 5.7 فیصد اضافے سے 8.62 ارب ڈالر رہیں۔