پاکستان نے مقامی آم بیرون ملک بیچ کر کتنے کروڑ ڈالر کما لئے؟جانئے

08-30-2024

(ویب ڈیسک)پاکستان نے مقامی آم بیرون ملک بیچ کر 4 کروڑ 67 لاکھ ڈالرز کی کمائی کرلی۔

رپورٹ کے مطابق وزارت تجارت نے رواں سال آم کی برآمدات کی تفصیلات ایوان میں پیش کردیں،جس کے  بارے میں بتایا گیا ہے کہ پاکستان نے 42 ممالک کو آم برآمد کرکے رواں برس 4 کروڑ 67 لاکھ ڈالرز کمائے ہیں۔سب سے زیادہ 1 کروڑ 32 لاکھ ڈالر کے آم برطانیہ، اور 92 لاکھ امریکی ڈالر کے آم متحدہ عرب امارات (یو اے ای) کو برآمد کیے گئے۔ افغانستان کو 22 لاکھ ڈالر، سعودی عرب کو 13 لاکھ جبکہ عمان کو 17 لاکھ ڈالر کے آم برآمد کیے گئے۔اسی طرح قزاقستان نے سب سے زیادہ 8.95 ملین ڈالرز، جرمنی 19 لاکھ ڈالر جبکہ دیگر ممالک کو 44 لاکھ ڈالر کے آم برآمد کیے گئے۔واضح رہے کہ رواں مالی سال کے دوران 13 ہزار 681 میٹرک ٹن آم برآمد کیا گیا۔