اردو بازار کے الیکشن شیڈول کا اعلان کر دیا گیا

08-21-2024

(لاہور نیوز) اردو بازار کے الیکشن شیڈول کا اعلان کر دیا گیا، الیکشن کمشنر اظہر ثقلین بھٹی نے شیڈول کا اعلان کیا جس کے مطابق 14 ستمبر کو الیکشن ہوں گے۔

 اردو بازار کے الیکشن کمیشن کی جانب سے جاری کردہ شیڈول کے مطابق گروپ رجسٹریشن فیس 2 لاکھ ادا کرنا ہو گی اور کاغذات نامزدگی وصولی 3 ستمبر کو ہو گی۔ الیکشن نہ لڑنے والے امیدواران 5 ستمبر تک کاغذات نامزدگی واپس لے سکیں گے۔ امیدواروں کی حتمی لسٹ 7 ستمبر کو آویزاں کی جائے گی۔ الیکشن مہم کا 12 ستمبر رات 12 بجے اختتام ہو جائے گا جبکہ 14 ستمبر کو اردو بازار میں پولنگ ہو گی۔ الیکشن کمشنر اظہر ثقلین بھٹی کے مطابق الیکشن شیڈول تینوں گروپ انصاف گروپ، لائنز گروپ اور تاجر دوست گروپ کی مشاورت سے جاری کیا گیا ہے۔