انڈر19 ویمنز ٹی20 ورلڈکپ 2025 کے شیڈول کا اعلان

08-18-2024

(لاہور نیوز)انٹرنیشنل کرکٹ کونسل (آئی سی سی) نے انڈر19 ویمنز ٹی20 ورلڈکپ 2025 کے شیڈول کا اعلان کردیا۔

دوسرے انڈر 19 ویمنز ٹی20 ورلڈکپ کی میزبانی ملائشیا کے سپرد کی گئی ہے، ایونٹ 18 جنوری سے 2 فروری 2025 تک کھیلا جائے گا، جس میں 16 ٹیمیں حصہ لیں گی۔ ایونٹ کے گروپ اے میں بھارت، ویسٹ انڈیز ،سری لنکا اور ملائشیا شامل ہوں گی جبکہ گروپ بی پاکستان، انگلینڈ، آئر لینڈ اور امریکا کی ٹیمیں شامل ہیں۔ گروپ سی میں نیوزی لینڈ، جنوبی افریقا، افریقا کوالیفائر اور سماؤ شامل ہیں، اس کے علاوہ گروپ ڈی میں آسٹریلیا، بنگلادیش ،ایشیا کوالیفائر اور سکاٹ لینڈ شامل ہیں۔ گروپس کی ٹاپ تین ٹیمیں سپر 6 مرحلے کیلئے کوالیفائی کریں گی، ٹورنامنٹ کے سیمی فائنلز 31 جنوری جبکہ فائنل 2 فروری کو ہوگا۔ ٹورنامنٹ میں شریک بھارتی ٹیم اپنے ٹائٹل کا دفاع کرے گی۔