گُمراہ کن مارکیٹنگ، ملٹی نیشنل کمپنی پر بھاری جرمانہ عائد

08-10-2024

(ویب ڈیسک) گُمراہ کن مارکیٹنگ ملٹی نیشنل کمپنی کو مہنگی پڑگئی۔

مسابقتی کمیشن نے گمراہ کن مارکیٹنگ پر صابن اور ہینڈ واش بنانے والی ملٹی نیشنل کمپنی پر 6 کروڑ روپے جرمانہ عائد کردیا۔ ترجمان مسابقتی کمیشن کے مطابق ملٹی نیشنل کمپنی نے صابن اور ہینڈ واش مصنوعات کی گمراہ کن مارکیٹنگ کی۔ کمپنی اپنی مصنوعات کے ذریعے جراثیم ختم کرنے کا قطعی دعویٰ کررہی تھی۔ ترجمان کے مطابق صحت اور حفاظت کے دعوے سائنسی شواہد سے ثابت نہیں کیے جاسکتے۔ گمراہ کن مارکیٹنگ مسابقتی ایکٹ 2010 کے سیکشن 10 کی خلاف ورزی ہے جس پر کمپنی کو 6 کروڑ روپے جرمانہ عائد کیا گیا ہے۔