پی ٹی آئی کی لاہور میں جلسے کی اجازت کیلئے درخواست کا تحریری حکم جاری

08-10-2024

(لاہور نیوز) لاہور ہائیکورٹ نے پی ٹی آئی کی لاہور میں جلسے کی اجازت کیلئے درخواست پر سماعت کا تحریری حکم جاری کردیا۔

لاہور ہائیکورٹ کے جسٹس علی باقر نجفی نے گزشتہ روز کی سماعت کا تحریری حکم جاری کیا۔ عدالتی حکم میں لکھا  گیا ہے کہ پی ٹی آئی نے 27 اگست کو لاہور میں جلسے کی اجازت کی درخواست دی، درخواست میں ڈپٹی کمشنر کو جلسے کا مقام تعین کرنے کی استدعا کی گئی۔  تحریری حکم میں  کہا گیا ہے کہ ڈپٹی کمشنر 27 اگست کو جلسے کی اجازت کی درخواست پر فیصلہ کرکے عدالت کو آگاہ کریں، عدالت درخواست پر مزید سماعت 16 اگست کو کرے گی۔