وزیراعظم کی زیرصدارت اجلاس، سیاسی، معاشی صورتحال پر مشاورت
08-04-2024
(لاہور نیوز) وزیراعظم شہباز شریف کی زیرصدارت ماڈل ٹاؤن میں اہم مشاورتی اجلاس ہوا جس میں ملکی سیاسی و معاشی صورتحال پر مشاورت کی گئی۔
ذرائع کے مطابق وزیراعظم کی زیرصدارت اہم اجلاس میں وفاقی وزراء محمد اورنگزیب، خواجہ آصف، عطااللہ تارڑ، مصدق ملک، رانا تنویر، علی پرویز ملک شریک ہوئے، اجلاس میں ملک کی موجودہ سیاسی و معاشی صورتحال پر غور کیا گیا۔ ذرائع نے مزید بتایا کہ وزیراعظم شہباز شریف سے سپیکر پنجاب اسمبلی ملک احمد خان نے بھی ملاقات کی، وزیراعظم سے ملاقاتیں کرنے والوں میں رانا مشہود، شیزا فاطمہ، اسد الرحمان گیلانی بھی شامل تھے۔