عالمی اور مقامی منڈیوں میں سونے کی قیمتوں میں کمی

08-03-2024

(ویب ڈیسک)عالمی اور مقامی منڈیوں میں سونے کی قیمتوں میں کمی ہوگئی۔

بین الاقوامی بلین مارکیٹ میں فی اونس سونے کی قیمت میں 15ڈالر کی کمی واقع ہوئی، جس کے بعد نئی قیمت 2443ڈالر کی سطح پر آ گئی۔دوسری جانب مقامی صرافہ مارکیٹوں میں24قیراط کے حامل فی تولہ سونے کی قیمت 500روپے کی کمی سے 256800روپے کی سطح پر آگئی اور اسی طرح فی 10 گرام سونے کی قیمت بھی 429روپے کی کمی سے 220165 روپے کی سطح پر آگئی۔ سونے کی قیمتوں میں کمی کے برعکس ملک میں فی تولہ چاندی کی قیمت بغیر کسی تبدیلی کے 2900روپے اور فی 10 گرام چاندی کی قیمت بھی بغیر کسی تبدیلی کے 2486.28روپے کی سطح پر مستحکم ہے۔