یاسمین راشد اور شاہ محمود قریشی کی اوپن کورٹ ٹرائل کی درخواستوں پر سماعت ملتوی

07-25-2024

(لاہور نیوز) انسداد دہشت گردی عدالت میں سانحہ 9 مئی کے 3 مقدمات کا اوپن کورٹ ٹرائل کرنے کے معاملہ پر کیس کی سماعت ہوئی۔

عدالت نے یاسمین راشد اور شاہ محمود قریشی کی اوپن کورٹ ٹرائل کرنے کی درخواستوں پر سماعت 27 جولائی تک ملتوی کر دی۔ انسداد دہشتگردی عدالت نے سرکاری وکلا کو درخواستوں پر حتمی دلائل کے لئے طلب کر لیا۔ عدالت کے ایڈمن جج خالد ارشد نے کیس کی سماعت کی، ملزمان کے خلاف تھانہ سرور روڈ اور شادمان میں 9 مئی کے مقدمات درج ہیں۔