فواد چودھری کیخلاف توہین الیکشن کمیشن کیس کا جیل ٹرائل کالعدم قرار

07-25-2024

(ویب ڈیسک) اسلام آباد ہائیکورٹ نے سابق وفاقی وزیر فواد چودھری کے خلاف توہین الیکشن کمیشن کیس کا جیل ٹرائل کالعدم قرار دے دیا۔

اسلام آباد ہائیکورٹ میں فواد چودھری کے خلاف توہین الیکشن کمیشن کیس کی سماعت ہوئی، جسٹس ثمن رفعت امتیاز نے درخواست پر فیصلہ سنایا۔ عدالت نے الیکشن کمیشن کی جیل کی مکمل کارروائی اور فواد چودھری پراڈیالہ جیل میں عائد فرد جرم بھی کالعدم قرار دے دی۔ واضح رہے کہ 11 جولائی کو بانی پی ٹی آئی عمران خان اور سابق وفاقی وزیر فواد چودھری کے خلاف توہین الیکشن کمیشن کیس کی سماعت ہوئی، ممبر الیکشن کمیشن نثار درانی کی سربراہی میں 4 رکنی کمیشن نے کیس کی سماعت کی تھی۔ الیکشن کمیشن آف پاکستان نے توہین الیکشن کمیشن اور توہین چیف الیکشن کمشنر کیس میں فواد چودھری کے وارنٹ گرفتاری جاری کرتے ہوئے کیس کی سماعت 7 اگست تک ملتوی کر دی تھی۔